Hargeysa-Maxkamadda Sare ee Jamhuuriyadda Somaliland ayaa si rasmi ah u beenisay warar lagu faafiyey baraha bulshada saacadihii u dambeeyey, kuwaas oo sheegayey in Guddoomiyaha Maxkamadda Sare, Aadam Xaaji Cali Axmed, uu warqad iscasilaad ah u gudbiyey Madaxweynaha Jamhuuriyadda Somaliland.
Maxkamaddu waxay caddeysay in wararkaasi yihiin kuwo aan sal iyo raad lahayn, isla markaana ay yihiin been-abuur. Sidoo kale, waxay bulshada uga digtay faafinta wararka aan la hubin, iyadoo ku boorrisay in xogta laga xaqiijiyo ilo rasmi ah ka hor inta aan la baahin.
Be the first to comment