Gebiley-Badhasaabka gobolka Gabiley, Maxamuud Xasan Saleebaan (Doob), ayaa kulan muhiim ah la yeeshay guddida qaban-qaabada xuska maalinta qaran ee 18-ka May, kuwaasi oo uu dhawaan magacaabay.
Kulankan ayaa ahaa mid diiradda lagu saaray dardargelinta iyo isku-dubbaridka hawlaha la xidhiidha diyaarinta munaasabadda weyn ee maalinta qaran.
Intii uu socday kulanku, Badhasaabku waxa uu guddida ku boorriyey inay muujiyaan dadaal dheeraad ah, isla markaana ay si hufan u maareeyaan masuuliyadda culus ee loo igmaday.
Waxa uu carrabka ku adkeeyey muhiimadda ay leedahay in xuska 18-ka May uu noqdo mid si heer sare ah loo agaasimo, kana tarjumaya qiimaha taariikheed iyo mid qaran ee ay maalintani u leedahay bulshada Somaliland.
Guddida qaban-qaabada ayaa dhankooda soo bandhigay qorshayaal iyo tallooyin la xidhiidha sida loo hirgelin karo munaasabad si wanaagsan loo abaabulay, iyaga oo muujiyey diyaar garow buuxa iyo ka goโnaan ay ku doonayaan inay ku xaqiijiyaan hawsha loo igmaday.
