𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐒𝐨𝐦𝐚𝐥𝐢𝐥𝐚𝐧𝐝 𝐨𝐨 𝐪𝐚𝐚𝐛𝐢𝐥𝐚𝐲 𝐠𝐚𝐧𝐚𝐜𝐬𝐚𝐭𝐨 𝐀𝐮𝐬𝐭𝐫𝐚𝐥𝐢𝐚𝐧 𝐚𝐡 𝐨𝐨 𝐝𝐚𝐧𝐚𝐲𝐧𝐚𝐲𝐚 𝐦𝐚𝐚𝐥𝐠𝐚𝐬𝐡𝐢𝐠𝐚 𝐌𝐚𝐜𝐝𝐚𝐧𝐭𝐚 𝐃𝐚𝐥𝐤𝐚.

Madaxweynaha Jamhuuriyadda Somaliland Mudane Cabdiraxman Maxamed Cabdillahi (Cirro) ayaa maanta Qasriga Madaxtooyada JSL ku qaabilay Ganacsato ka soo jeeda dalka Australia oo iyagu danaynaya maalgashiga khayraadka Macdanta JSL.

Is-xog-waraysi ka dib, Madaxweynaha Jamhuuriyadda Somaliland waxa uu Ganacsatada reer Australia u sheegay in albaabada Somaliland ay u furan yihiin Maalgashiga Caalamiga ah, Qaranka JSL uu yahay mid madaxbannan, la isku hallayn karo oo leh shuruuc iyo xeerar adag oo si daah-furan loogu maamulo ganacsiga iyo maalgashiga Caalamiga ah.

Wasiirka Horumarinta Maalgashiga iyo Warshadaha Mudane Siciid Maxamed Buraale ayaa isaguna si diirran u soo dhawaysay ganacsatada reer Australia, isaga oo xusay in ay ka Wasaarad ahaan diyaar u yihiin abuurista jawi maalgashi oo furan, hufan oo dhiirrigelinaya Maalgashiga Caalamiga ah, si loo xoojiyo koboca dhaqaalaha dalka, loona abuuro fursado maalgashi oo faa’iido u leh labada dhinacba.

Danjiraha Jamhuuriyadda Somaliland ee dalka Taiwan, Danjire Maxamuud Aadan Jaamac Galaal oo kulanka qayb ka ahaa ayaa sheegay in uu muddo badan ku hawlanaa sidii ay weftigani u iman lahaayeen dalka Somaliland, isaga oo xusay in arrintani ay qayb ka tahay Istaraatiijiyadda guud ee Xukuumadda ee lagu soo jiidanayo maalgashi shisheeye, laguna horumarinayo ka faa’iidaysiga khayraadka dabiiciga ah ee dalka.

𝐀𝐋𝐋𝐀𝐀 𝐌𝐀𝐇𝐀𝐃 𝐋𝐄𝐇𝐗𝐮𝐬𝐞𝐞𝐧 𝐀𝐚𝐝𝐚𝐧 𝐂𝐢𝐠𝐞 (𝐃𝐞𝐲𝐫), 𝐀𝐟𝐡𝐚𝐲𝐞𝐞𝐧𝐤𝐚 𝐌𝐚𝐝𝐚𝐱𝐰𝐞𝐲𝐧𝐚𝐡𝐚 𝐉𝐚𝐦𝐡𝐮𝐮𝐫𝐢𝐲𝐚𝐝𝐝𝐚 𝐒𝐨𝐦𝐚𝐥𝐢𝐥𝐚𝐧𝐝